Article
Sub say pehlay to mujhe elect kurnay pur ap sub ka shukriya. sPakistan k liye kam kurna meray liye bohat fakhar ki bat hai.
Ab atay hain zara ahem baton ki taraf. Sub say pehlay ap sub ko mubarakbad k ab hamara forum bun gaya hai.
Forums:
Link to Forums Forums ko dekhnay k liye is pur click karain. Main tamam sPakistanis say guzarish kurta hun k ap fourms join karain aur wahan active hon. Kyun k wahin ab community ka zyada tur kam hoga.
Forums k 2 sub say ahem sections jo hain woh hain congress sections (Ap ager congressmen nahi hain to ap isay nahi dekh sakain gay) aur citizenship application section .
Law ki tajaweez:
Tamam congressmen say guzarish ki jati hai k ager ap koi law propose kurna chahtay hain to [b]PLEASE usay pehlay Law Proposals Section main discuss karain.[/b] Aur discussion ko 24 ghuntay tuk chulnay dain. Us k bad chahay loge ap k proposal k khilaf bi ho ap propose kur dain koi musla nahi laikin discussion zarur honi chahiye. Kyun k is tarah say ap ko us law k huq aur khilaf main mukhtalif daleelain to sun li hon gi. Aur main tamam congressmen say guzarish kurta hun k aisa koi bi law jo discuss na kiya gaya ho, 'NO' vote kur dain chahay woh ap ko kitna hi acha kyun na lagay. Yeh congress main tanzeem aur bakaida tareek-e-kar ki bala dasti kayam rukhnay k liye, gher zaruri laws k proposals say bachnay k liye aur new congressmen ko riyasat k mukhtalif mamlat ki samajh bujh denay k liye intahai zaruri hai.
Citizenship Applications:
Tamam loge jo sPakistan ki citizenship k liye apply kurna chahain unhain ja k Citzienshp Application Thread main apni details reply kurni hon gi. Woh tamam congressmen jinhain citizenship requests accept kurnay k pms waghera wasool hon woh un logon ko yahan bhej dain. Yeh intahai ahem hai k kahin hum kisi PTO-er ko citizenship na day bethain. Woh tamam congressmen jo baghair procedure aur discussion k CS accept karain gay aur woh citizens jin ko is tarah say CS di jaye gi. Dono ko blacklist kur diya jaye ga. Applications ki discussion is thread main hon gi. Is thread ko bi sirf congressmen, cabinet members, armed forces commanders, seniors aur moderators dekh sakain gay. Jub ap forum join kur lain gay to jo loge in categories main atay hain unhain in groups main shamil kur diya jaye ga. Aur congressmen, cabinet members aur commanders in threads pur reply bi kur sakain gay jub k seniors aur moderators sirf in sections ko dekh aur purh sakain gay.
Akhri bat yeh k main nay forums main Suggestions and Complaints about The Forums Section bi bana diya hai. Ap isay un masail ka batanay k liye use kur suktay hain jo ap ko forums main pesh aa rahay hain. Hutta k guests bi is section ko dekh, purh aur yahan post kur suktay hain.
----------------
Ab
Presidential Address:
Main juzbatiat aur meethay alfaz bolnay k bajaye sedha point pay ata hun. Main sPakistan ko munazzam chahta hun. Main pehlay bi isi k liye kamkur raha tha aur ab bi isi muqsud k liye kam karun ga.
Kabina kul ya purson tuk announce karun ga jub main un logon k sath bat kur chuka houn ga jo meray zehen main hain. Pur main yeh wazeh kurna chahun ga k PDP k congressmen ki tarah meri kabina bi bilkul active hogi. Woh sub jin ko position offer ki jaye gi aur woh usay accept karain gay. Woh full time pur apna kam karain gay. Aisa na kurnay ki soorat main unhain cabinet say remove kur diya jaye ga. Main yeh announce to nahikarun ga k kahin woh admi khud ko budnam hota mehsoos na karay pur main chupkay say cut kur dun ga.
Kabina k mutalik baki tafseelat aglay article main hun gi.
Abi main plans zara kabina k hisab say thodray bohat wazeh kur deta hun.
New players and Baby Boom Efforts:
1. Hur module k tutorial New Players and Baby Boom Corps (NBC) k zariye tayar kiye jayen gay aur un k link new citizens message main include kiye jayen gay.
2. eRepublik say mazeed Pakistanion ko e-sim main lanay ki koshish ki jaye gi aur jo already hain unhain phir say active kurnay ki.
3. Baby boom k liye ek video tayar ki jaye gi jisay youtube aur dailymotion pay upload kiya jaye ga.
4. e-sim main say interesting articles ko facebook pur spam kiya jaye ga. Laikin is idea pay abi mujhe Media Corps aur NBC k sath mazeed discussion kurni pudray gi.
Defense and Armed Forces Development:
1. Is bat ko yakeeni banaya jaye ga k sPakistan k official military unit, jo k is wuqt 'Special Service Group' hai main 24 k 24 ghuntay koi na koi order set ho. Is hisab say meray kuch khayalat hain jo main sectorclear ya malik is king k sath discuss karun ga aur un ka result next article main bataon ga.
2. Hum loge dheray dheray say Armed Forces k liye communes banana shuru kur dain gay. Dheray is liye k hamara mulk koi aisa ameer nahi hai pur kam is pur zarur shuru kur dain gay. Hamaray main ahem regions main defense system laganay ka bi idea hai hi sahi pur phir musla wohi hai k defense system available ho aur paisay bi hon kyun k communes bananay ko defense system laganay pur tarjeeh di jaye gi to shayad is term main to is pay kam na ho sukay.
3. Koshish ki jaye gi k jaisay hi Pakistan k new country peace k 30 din khatam hon Iran ya India k sath training war shuru kur li jaye takay hamary faujion k pas kuch to chabanay k liye bi ho
laikin yeh un mumalik ki murzi pay bi depend karay ga of course.
International Relations:
1. Foreign relations main meri awwaleen tarjeeh hogi China aur Indonesia [b]dono k sath normal relations ko yakeeni banana.[/b] Us k liye Foreign Affairs Corps (FAC) ko fauri taur pur Indonesia aur China bheja jaye ga aur main dono mumalik main articles likhun ga aur jaisay hi koi tassali bukhsh nateeja niklay ga ap logon ko article k zariye bataya jaye ga. Main janta hun k dono mukhtalif alliances main aur war bi chul rahi hai pur hamain is say furk nahi pudray ga kyun k main kum uz kum kuch arsay k liye to sPakistan ko gher janibdari ki rah pur chalana chahun ga jub tuk hum loge idher udher na dekh lain.
2. Main India aur Iran bi logon ko bhejun ga aur articles likhun ga takay unhain hamaray neutral status k baray main bataya ja sukay aur training war k mutalik discussion ho sukay.
3. Jub yeh sub kuch ho jaye ga to main teenon alliances aur ahem neutral mumalik ki taraf safeer bhej dun ga takay international politics main hamari maujodgi rahay.
Internal Affairs:
Is main PTO avoid kurnay ki koshish kurna, parties ko orgainzed kurna jaisa k main PDP k zariye already shuru kur chuka hun aur new players ki retention k liye hoga. Internal Affairs Corps (IAC) (ager koi huay) to NBC k sath mil k kam karain gay.
Economic and Financial Affairs:
Is main hur huftay taxes ko check kurna aur ager zarurat mehsoos ho to un ko tabdeel kurna hoga. Mazeed yeh k Print Money aur dusray zariyon say monetary market ko kuch hud tuk regulate kurna shamil hoga. Aur communes k hamari zruriat k mutabik set up kurna aur apni safarishat pesh kurna bi Economic and Financial Corps (EFC) ka kam hoga.
Media and Social Affairs:
Kuch projects start kiye jayen gay jin k zariye players ko media, forums aur IRC pur active honay k incentives diye jayen gay. Aur mazeed in ka kam bi NBC k sath hi connected hoga.
Isi k sath hi main yeh bi announce kurna chahun ga k sPakistan ka new channel bun gaya hai IRC Rizon pay
#sPakistan
Mujhe umeed hai k ap sub isay join karain gay aur wahan active hon gay. New channel bananay ki waja yeh hai k pechlay channel ka owner game say ban honay k bad inactive ho gaya hai jis ki waja say mujhe new channel bananay ko kaha gay so main nay bana diya.
Main hur roze saipeher 3 say 5 Pakistani time (12:00 to 14:00 e-sim) pur #sPakistan main zarur maujood honay ki koshish karun ga. Ager ap ko koi tajweez deni ho ya koi shikayat ho to ap mujhe wahan mil sakain gay. Us k ilawa ap mujhe yahan game main pm bi kur suktay hain, main juld uz juld jawab denay ki koshish karun ga. Ager ap apni shikayat ya tajweez ko public banana chahtay hain to ap media bi use kur suktay hain aur forums main bi main nay Suggestions and Complaints to President and Congress Section bana diya hai usay bi use kur suktay hain.
Stand Firm!
Stand United!
Stand Proud!
Hail sPakistan!
Previous article:
Presidential Address, Forums and IRC--English (14 years ago)
Next article:
[President] Cabinet (14 years ago)
About the game:
USA as a world power? In E-Sim it is possible!
In E-Sim we have a huge, living world, which is a mirror copy of the Earth. Well, maybe not completely mirrored, because the balance of power in this virtual world looks a bit different than in real life. In E-Sim, USA does not have to be a world superpower, It can be efficiently managed as a much smaller country that has entrepreneurial citizens that support it's foundation. Everything depends on the players themselves and how they decide to shape the political map of the game.
Work for the good of your country and see it rise to an empire.
Activities in this game are divided into several modules. First is the economy as a citizen in a country of your choice you must work to earn money, which you will get to spend for example, on food or purchase of weapons which are critical for your progress as a fighter. You will work in either private companies which are owned by players or government companies which are owned by the state. After progressing in the game you will finally get the opportunity to set up your own business and hire other players. If it prospers, we can even change it into a joint-stock company and enter the stock market and get even more money in this way.
In E-Sim, international wars are nothing out of the ordinary.
Become an influential politician.
The second module is a politics. Just like in real life politics in E-Sim are an extremely powerful tool that can be used for your own purposes. From time to time there are elections in the game in which you will not only vote, but also have the ability to run for the head of the party you're in. You can also apply for congress, where once elected you will be given the right to vote on laws proposed by your fellow congress members or your president and propose laws yourself. Voting on laws is important for your country as it can shape the lives of those around you. You can also try to become the head of a given party, and even take part in presidential elections and decide on the shape of the foreign policy of a given state (for example, who to declare war on). Career in politics is obviously not easy and in order to succeed in it, you have to have a good plan and compete for the votes of voters.
You can go bankrupt or become a rich man while playing the stock market.
The international war.
The last and probably the most important module is military. In E-Sim, countries are constantly fighting each other for control over territories which in return grant them access to more valuable raw materials. For this purpose, they form alliances, they fight international wars, but they also have to deal with, for example, uprisings in conquered countries or civil wars, which may explode on their territory. You can also take part in these clashes, although you are also given the opportunity to lead a life as a pacifist who focuses on other activities in the game (for example, running a successful newspaper or selling products).
At the auction you can sell or buy your dream inventory.
E-Sim is a unique browser game. It's creators ensured realistic representation of the mechanisms present in the real world and gave all power to the players who shape the image of the virtual Earth according to their own. So come and join them and help your country achieve its full potential.
Invest, produce and sell - be an entrepreneur in E-Sim.
Take part in numerous events for the E-Sim community.
